كوژرانی فه‌رمانده‌یه‌كی هێزه‌كانی به‌سیج له‌ كرماشان

ڕۆژی یه‌كشه‌ممه‌ ٢١ی مانگی جۆزه‌ردان، فه‌رمانده‌یه‌كی به‌سیج كه‌ ده‌ستی له‌ سه‌ركوتی خوێناوی لاوانی كرماشان هه‌بوو له‌ شه‌ڕ له‌گه‌ڵ چه‌كدارانی نه‌ناسراو كوژرا.

به‌پێی زانیارییه‌كان، سه‌جاد ئه‌میری” فه‌رمانده‌ی هێزه‌كانی به‌سیجی یه‌كێك له‌ گه‌ڕه‌كه‌كانی كرماشان بووه‌ و له‌ ڕه‌وتی شۆڕشی “ژینا” ڕاسته‌وخۆ ته‌قه‌ی له‌ خۆپێشانده‌ران كردووه‌ و ده‌ستی له‌ ده‌ستبه‌سه‌ركردنی ده‌یان لاوی ئه‌و شاره‌ دا هه‌بووه‌.