له‌ماوه‌ی ڕۆژانی ڕابردوودا،كرێكارێكی شیركه‌تی ئۆتوبووسڕانی تاران و ده‌ورووبه‌ر به‌ناوی “مێهدی كه‌ره‌م ئاشتیانی” كه ڕۆژی ٩ مانگی ڕه‌زبه‌ری ئه‌مساڵ له‌لایه‌ن هێزه ئه‌منیه‌كانه‌وه ده‌ستبه‌سه‌ركرابوو، له‌ژێر ئه‌شكه‌نجه‌ی سه‌ركوتگه‌ران دا گیانی به‌ختكردووه.
به‌پێی زانیارییه‌كان، “مێهدی كه‌ره‌م ئاشتیانی” جانبازی سه‌رده‌می شه‌ڕی ئێران و عێراق و شۆفێری شیركه‌تی ئۆتوبووسڕانی تاران بووه كه له ڕه‌وتی ناڕه‌زایه‌تییه‌كانی پاش گیانبه‌ختكردنی “مه‌هسا ئه‌مینی” پشتیوانی له خه‌ڵكی خۆپێشانده‌ر ده‌ربڕێبوو، ناوبراو ڕۆژی ٩ی ڕه‌زبه‌ری ئه‌مساڵ له نێو ئۆتۆمبێله‌كه‌ی خۆی دا له‌لایه‌ن هێزه ئه‌منیه‌كانه‌وه درایه به‌ر ده‌ستڕێژی گولله و به برینداری ده‌ستبه‌سه‌ر و بۆ گرتووخانه‌ی ئیداره‌ی ئیتلاعات گوازریه‌وه و پاش ماوه‌یه‌ك له‌ژێر ئه‌شكه‌نجه‌ی سه‌ركوتگه‌ران دا گیانی به‌ختكردووه و ئێستا بنه‌ماڵه‌كه‌ی له‌ژێر گوشاری ناوه‌نده ئه‌منیه‌تیه‌كان دان.