ڕۆژی شهممه ٢٩ی مانگی گهلاوێژ، كۆمهڵێك له چالاكانی بواری ژنان لهگهڵ بنهماڵهی موعهلیمانی زیندانی “محهممهد حهبیبی” و “جهعفهر ئیبراهیمی” كۆبوونهوه و خوازیاری ئازادیان بوون.
بهپێی ڕاپۆرتهكان، هاوژینی “جهعفهر ئیبراهیمی” وێرای دهستخۆشی له سهردانی چالاكانی ژن ڕایگهیاندووه كه باری تهندرووستی “جهعفهر” باش نییه و پێویستی به دهرمان له نهخۆشخانهی دهرهوهی زیندان ههیه، بهڵام بهرپرسانی زیندان له دهستپێڕاگهیشتن به پێداویستییهكانی دهرمان بێبهشیان كردووه. بهدوای دهستبهسهركرانی كۆمهڵێك له موعهلیمان له مانگی گوڵانی ئهمساڵدا، حهقدهستهكانیان بڕدراوه و ماوهی بهندكرانیان به نادیاری ماوهتهوه. بهشداربووانی ئهو دیداره، وێڕای مهحكووم كردنی دهستبهسهركران و پهروهندهسازی بۆ موعهلیمان، پشتیوانی خۆیان له موعهلیمانی بهندكراو ڕاگهیاند.