سه‌ر له‌به‌یانی ڕۆژی سێشه‌ممه ٢٥ی مانگی گه‌لاوێژ، به‌سه‌دان كه‌س له دانیشتووانی “شاری كورد” له ئوستانی چوارمه‌حاڵ و به‌ختیاری له ناڕه‌زایه‌تی به یه‌ك هه‌فته بێئاوی ڕژانه سه‌ر شه‌قام و خۆپێشاندانیانكرد.
به‌پێی ئه‌و گرته ویدیۆیانه‌ی له تۆڕه كۆمه‌ڵایه‌تییه‌كاندا به‌ڵاوكراوه‌ته‌وه، ماوه‌ی حه‌وته‌یه‌كه دانیشتووانی ئوستانی چوارمه‌حاڵ و به‌ختیاری به‌هۆی پچڕانی ئاوی لووله‌كه‌شی له‌لایه‌ن ڕژیمه‌وه له دۆخێكی خراپدا ده‌ژین و به تانكه‌ر ئاویان بۆ ده‌به‌ن. ڕۆژی ڕابردوو بانگێشتنامه‌یه‌ك له تۆڕه‌كۆمه‌ڵایه‌تییه‌كاندا بڵاوكرابوو بۆ ئه‌وه‌ی له‌ناڕه‌زایه‌تی به بێئاوی، ڕۆژی سێشه‌ممه له شار و شارۆچكه‌كانی ئه‌و ئوستانه خۆپێشاندان به‌ڕێوه‌بچێت. به‌وته‌ی خه‌ڵكی ناوچه‌كه، به‌رپرسانی ئوستانی ڕژیم به هۆكارێكی نادیار سه‌رچاوه‌ی ئاوی “كوهڕه‌نگ“ی به‌ختیارییان به‌سه‌ر شارۆمه‌نداندا به‌ستووه و وڵامی داخوازییه‌كانیان ناده‌نه‌وه.