بەندکراوێکی سیاسی خەڵکی گوندی “پەسوێ“ی شاری پیرانشار بە ناوی “لوقمان قادری” کە سەرەتای پاییزی ساڵی ڕابردوو لەلایەن ناوەندە ئەمنییەکانەوە دەستبەسەر کراوە، بۆ بەندی سیاسیی زیندانی ناوەندیی ورمێ گوازراوەتەوە و هێشتا دادگای ڕژیم دۆسیەکەی یەکلایی نەکردووەتەوە.
بەپێی ڕاپۆرتەکان، ناوبراو کە بە هاوکاری کردنی حیزبێکی کوردستانی دژبەری ڕژیم تۆمەتبار کراوە، لە سەرەتای بەهاری ئەمساڵ بۆ بەندی سیاسی زیندانی ورمێ گوازراوەتەوە و ماوەی ٩ مانگە لە مافی دەستپێڕاگەیشتن بە پارێزەر و خزمەتگوزاری پزیشکی بێبەش بووە.