شەوی شەممە ٣١ی مانگی گوڵان، لە ئەنجامی مووشەکباران کردنی بنکەی سەربازیی زیلکانی دەوڵەتی تورکیە، دوو سەربازی سوپای ئەو وڵاتە و ئەندازیارێکی عێراقیی کوژراون.
بەپێی ڕاپۆرتەکان، کەتیبەکانی “ئەحرار سنجار” بەرپرسیارێتیی هێرشەکەیان لەئەستۆ گرتووە، “درمان تاوسمەلەک”، وتەبێژی ئەو گرووپە لە لێدوانێکدا بۆ ماڵپەڕی ئەلغەد ڕایگەیاندووە: ئێمە به چوار فڕۆکەی بێ فڕۆکەوان بنکەی داگیرکاریی تورکیەمان لە باشیک کردووەتە ئامانج و ئەو هێرشە وەک وڵامێک بۆ دەستدرێژییە بەردەوامەکانیی تورکیە بۆ سەر خاکی عێراق ئەنجامدراوە.