کۆمەڵە_رێكخراوی كوردستانی حیزبی كۆمونیستی ئیران
ئێران

كۆبوونه‌وه‌ی ناڕه‌زایه‌تی كرێكارانی شاره‌داری خوڕه‌مشه‌هر

تجمع اعتراضی کارگران شهرداری خرمشهر

كۆمه‌ڵێك له‌ كرێكارانی گرێبه‌ستی شاره‌داری خوڕه‌مشه‌هر، ڕۆژی سێشه‌ممه‌ له‌ ناڕه‌زایه‌تی به‌ دواكه‌وتنی چوار مانگ حه‌قده‌سته‌كانیان ده‌ستیان له‌ كار كێشایه‌وه‌ و له‌ به‌رانبه‌ر بینای فه‌رمانداری و شۆرای ئه‌و شاره‌ كۆبوونه‌وه‌.

به‌پێی ڕاپۆرته‌كان، هه‌تا ئێستا چه‌ندین جاره‌ كرێكارانی شاره‌داری ئه‌و شاره‌ به‌ هۆی دواكه‌وتنی حه‌قده‌سته‌كانیان ناڕه‌زایه‌تیان ده‌ربڕییوه‌ و ده‌ستیان له‌ كار كێشاوه‌ته‌وه‌ به‌ڵام به‌رپرسانی شاره‌داری به‌ پێدانی حقووقی یه‌ك یان دوو مانگ هه‌وڵیان داوه‌ به‌و شێوه‌یه‌ كرێكاران ناچار بكه‌ن بگه‌ڕێنه‌وه‌ سه‌ر كاره‌كانیان، له‌م ناڕه‌زایه‌تیه‌دا كرێكاران ڕایانگه‌یاندووه‌: هه‌تا به‌ته‌واوه‌تی حه‌قده‌سته‌ دواخراوه‌كانیان وه‌ر نه‌گرن به‌هیچ شێوه‌یه‌ك ڕازی نابن بگه‌ڕێنه‌وه‌ سه‌ر كاره‌كانیان.