کۆمەڵێک لە کرێکارانی دەرکراوی شێرکەتی نەیشەکەری “حەوت تەپە” ، ڕۆژی شەممە ٢٧ی مانگی خەرمانان لە ناڕەزایەتی بە جێبەجێ نەبوونی داخوازییەکانیان لە بەرانبەر بینای ئەو شێرکەتە کۆبوونەوەی ناڕەزایەتییان بەڕێوە برد.
بەپێی هەواڵەکان، کرێکارانی ناڕازی خوازیاری گەڕانەوە بۆ سەر کارەکانیان و گۆڕانکاری لە دۆخی کاری و نوێ کردنەوەی گرێبەستەکانیان بوون، هەروەها ڕایانگەیاندووە لە ئەگەری جێبەجێ نەبوونی خواستەکانیان مان دەگرن و کۆبوونەوەیەکی بەرفەراوانی ناڕەزایەتی لە بەرانبەر بینای ئەو شێرکەتە ڕێک دەخەن.