ڕۆژی شەممە ٣١ی جۆزەردان، سپای پاسداران جارێکی دیکە بەرزاییەکانی كوێستانی چلچەمەی لە نێوان سەقز، دیواندەرە و مەریوان، تۆپباران کرد.
ڕاپۆرته‌كان باس له‌وه ده‌كه‌ن كه بەرزاییەکانی چلچەممە، شاخی دووبرا و شاخی سوڵتان کە لەنێوان شارەکانی سەقز، مەریوان و دیواندەرە هەڵکەتووە، لە لایەن سپای پاسدارانەوە تۆپباران کراون. شایانی باسه، سپای پاسداران بە خەڵکی گوندەکانی ئەو ناوچەیەی ڕاگەیاندووە، هیچ کەسێک بۆی نییە کە مەڕ و ماڵاتەکەی بباتە ئەو شاخە و لە ئەگەری هەر چەشنە ڕووداوێک، خۆیان بەرپرسیارن. ئه‌مه له‌كاتێكدایه كه لە کاتی تۆپبارانکردنی ئەو شاخانە، هێزه‌كانی سپا کارەبا و هێڵی ئینتێرنێتیان پچڕاندووە و تەنانەت هاتوچۆکردنی مەڕدارەکانی ئەو گوندانە بۆ شاخەکان قەدەغە كردووه. جێگه‌ی ئاماژه‌یه، ماوەی حه‌فته‌یه‌كه سپای پاسداران هێزێکی زۆری لە گوندەکانی شاقەڵا، بس، گۆگجە و گوڵچێر جێگیر کردووە.