به پێی هه‌واڵی گه‌یشتوو، ڕۆژی شه‌ممه ٣١ی جوزردان، كۆمه‌ڵێك له دۆستان و هاوڕێیانی كۆمه‌ڵه و حیزبی كۆمۆنیستی ئێران به بۆنه‌ی روژی پێشمه‌رگه‌ی كۆمه‌ڵه، له ده‌وروبری شاری سه‌قز ڕێوڕه‌سمیه‌كیان به‌ڕێوه‌برد و به درووشمی بژی كۆمه‌ڵه و بژی حیزبی كۆمۆنیستی ئێران، ڕێزیان له‌م ڕۆژه گرت.
هه‌واڵی گه‌یشتوو باس له‌وه ده‌كات كه، ڕێوڕه‌سمه‌كه به چه‌ند ده‌قیقه‌یه‌ك قسه وباس له سر چۆنیه‌تیی و مێژووی ٣١ی جۆزردان له لایه‌ن یه‌كێك له به‌شداربووانه‌وه ده‌ستی پێكردووه و پاشان به درووشمی “بژی پێشمه‌رگه‌ی كۆمه‌ڵه و بژی حیزبی كۆمۆنیستی ئێران ” درێژه‌ی بووه. شایانی باسه، ڕێوڕه‌سمه‌كه پاش چه‌ند كاتژمێر، وێڕای بڵاوكردنه‌وه میوه و شیرینی، له‌ناو خۆشی و شادیی به‌شداربوواندا كۆتایی پێهاتووه.