ڕاپۆرته‌كان باس له‌وه ده‌كه‌ن كه بەهۆی کەمتەرخەمیی و نەبوونی کەرەستەی پێشگری لەبەرامبەر ویرووسی کۆرۆنادا، دۆخی کادری دەرمانی نەخۆشخانەکانی شاری مەریوان لە مەترسیی دایە و هەڕەشەی جیدیە بۆ سەر تەندروستیی پزشک، کادری دەرمانی، پەره‌ستار وهەروەها خەڵکی ئەو شارە.
بەپێی زانیارییەکان، چەند کەس لە کادری دەرمانی و پەره‌ستارانی نەخۆشخانەکانی “فەجر” و “بووعەلی”ی شاری مەریوان، وڵامی تاقیکارییەکانیان ئەرینی بووە وتووشی ویرووسی کۆرۆنا بوون. شایانی باسه، ئه‌م كه‌سانه لە لایەن بەرپرسانی نەخۆشخانە بە بیانووی کەمیی پێرسۆنێل و هێزی کار، ئیزنی به‌سته‌ری كران و لە قه‌ره‌نتینه ڕاگرتنیان پێنەدراوە و پێیان ڕاگەیەندراوە کە دەبێت ڕۆژانە لەسەر کارەکانیان حازر بن.