وەزارەتی تەندروستی هەرێمی كوردستانی ڕایگه‌یاندووه: لە ٢٤ كاتژمێری ڕابردوودا ٢٢٤ توشبوی نوێی ویرووسی کۆرۆنا تۆمارکراوە و ١٦ كه‌سیش گیانیان لەدەستداوە. بەوەش کۆی ژماره‌ی توشبوان به ویرووسی کۆرۆنا لە هەرێمی كوردستان گەیشتووه‌ته، ٣ هه‌زار و ٤٥ كه‌س.
بەپێی ئه‌م ئاماره، لە سلێمانی ١٣٤ حاڵه‌تی نوێ تۆمارکراوە، لە گەرمیان ٢٥ حاڵه‌ت، لە هەولێر ٤٧ حاڵه‌ت، له هەڵبجە ١٤ حاڵه‌ت و له دهۆکیش چوار حاڵەتی توشبون بەم ویرووسه تۆمارکراوە. هه‌روه‌ها ڕاشیگه‌یاندووه: هه‌زار و ٢١٧ چاکبونەتەوە و لە ئێستادا هه‌زار و ٧٤٦ كه‌سیش لە نەخۆشخانەکاندا ماونەتەوە.