له درێژه‌ی سوووتاندنی دارستانه‌كان له شاره‌كانی كوردستان، ڕۆژی چوارشه‌ممه ١٤ی جۆزه‌ردان چه‌ند كه‌سێكی نه‌ناسراو داوێنی كێوی ئاویه‌ریان ئاگر تێبه‌ردا.
به پێی ڕاپۆرته‌كان له ئه‌نجامی ئه‌م ئاگرتێبه‌ردانه به‌شێكی زۆر له كێوی ئاویه‌ر سووتا و زه‌ره‌ری زۆر به ژینگه‌ی ئه‌م ناوچه‌یه گه‌یاندووه. شایانی باسه، هێزه‌كانی ڕژیم لە کاتی ئاگرکەوتنەوە له دارستانەکانی کوردستان نەتەنیا هیچ هاوکاری خەڵک ناکات، بەڵکوو ڕێگری لە خەڵکیش دەکات و هه‌تا ئێستا چه‌ند چالاكێكی ژینگه‌پارێزی له لایه‌ن ئه‌م هێزانه‌وه ده‌ستبه‌سه‌ر كراون.