به داخ و پەژارەیەکی زۆرەوه ئاگادار بووین که هاوڕێ عەلی کتابی، ناسراو به میرزا عەلی، پێشمەرگەی دێرینی کۆمەڵە و ئەندامی پێشوی حیزبی کۆمۆنیستی ئێران، لە تەمەنی ٨٤ ساڵی دا ماڵئاوایی لە ژیان کرد.
هاوڕێ عەلی کتابی یەکێک لە خەباتکارانی دێرین لە کوردستان بوو کە دژی هەردوو ڕژیمەکانی پادشایەتی و ئیسلامی خەباتی کرد و هەموو ژیانی لێواولێو بوو لە تێکۆشان و لە خۆ بردووی. هاوڕێ عەلی کتابی لە ساڵەکانی دوای ڕاپەڕینی ساڵی ١٩٧٩ زایینی لە ئێران خەباتی سیاسی و ڕێکخراوەیی خۆی بە کۆمەڵەوە گرێ دا و بوو بە سیمایەکی ناسراوی ناو ڕیزەکانی کۆمەڵە.
ئێمه، وێڕای قەدردانی و پێزانینی خۆمان بۆ خەبات و تێکۆشانی هاوڕێ عەلی کتابی له ڕیزەکانی کۆمەڵه، پڕ به دڵ سەرەخۆشی له بنەماڵەی ئەم ئازیزە دەکەین و خۆمان له غەم و پەژارەیاندا به شەریک دەزانین.
نوێنەرایەتی کۆمەڵه له دەرەوەی وڵات
٢٥ مانگی مەی ٢٠٢٠