به پێی ڕاپۆرتی ڕێكخراوی مافی مرۆڤی هەنگاو، هێزەکانی ڕژیم لە سنوورەکانی ورمێ تەقەیان لە کۆڵبەران کردووە و به‌هۆیه‌وه لانیکەم سێ کۆڵبەر کوژراون و برینداربوون.
بەپێی ئه‌م ڕاپۆرته، ئێوارەی ڕۆژی یەکشەممە ٤ی جۆزەردان، هێزەکانی ڕژیم لە بەرزاییەکانی گوندی سنووری کۆران سەر بە ناوچەی سۆما و برادۆستی ورمێ تەقەیان لە پۆلێک کۆڵبەر کردووە و به‌هۆیه‌وه کۆڵبەرێک بە ناوی “ئەرسەلان ئەحمەدی” دەستبەجێ گیانی له‌ده‌ستداوه. هەروەها دوو کۆڵبەری دیکەش کە برا بوون بە ناوەکانی “توران ئەحمەدی و ڕدوان ئەحمەدی” بە سەختی بریندار بوون. جێگه‌ی ئاماژه‌یه، لە ماوەی حەفتەی ڕابردوودا، لانیکەم ٩ کۆڵبەری بە تەقەی ڕاستەوخۆی هێزەکانی ئێران و توركییه برینداربوون.