ژماره‌یه‌ك له په‌ره‌ستارانی قه‌راردادی گیان به نوێنه‌رایه‌تی له هاوكاره‌كانیان ڕۆژی چوارشه‌ممه به چوون بۆ تاران، له‌ئاست به‌ستنی قه‌راردادی سێ مانگه و په‌رداخت نه‌كرانی حقووقه‌كانیان ناڕه‌زایه‌تییان ده‌ربڕی.
به پێی ئه‌م ڕاپۆرته، ئه‌م په‌ره‌ستارانه له كاتی سه‌رهه‌ڵدانی كۆرۆنا له ئێران و له‌سه‌ر بانگه‌وازی زانكۆی علووم پزیشكی گیلان به مه‌به‌ستی یارمه‌تی دان، هاتبوونه‌وه سه‌ركار و له‌گه‌ڵیان قه‌راردادی ٨٩ ڕۆژه به‌سترابوو. شایانی باسه، ئه‌م په‌ره‌ستارانه له سه‌ره‌تای مانگی ڕه‌شه‌ممه‌ی پاره‌كه‌وه له نه‌خۆشخانه‌كانی گیلان كار ده‌كه‌ن، به‌ڵام هه‌تا ئێستا هیچ حقووقێكیان پێ نه‌دراوه.