ڕاپۆرته‌كان باس له‌وه ده‌كه‌ن كه لە ماوەی ڕۆژانی ڕابردوودا، بەرپرسانی زیندانی ورمێ، بە “سیروان ئەحمەدپوور” خەڵکی گوندی “قەلەڕەش”ی شاری ”سەردەشت”یان ڕاگەیاندووە: لە ئەگەر وەرنەگرتنی ڕەزامەندیی بنەماڵەی کوژراوەکە، حوکمی لە سێدارەدانی جێبەجی دەکرێت.
به پێی ئه‌م ڕاپۆرته، “سیروان ئەحمەدپوور”، ٨ ساڵ پێش بەهۆی ڕووداوی هاتوچۆ، هاووڵاتییەکی كوشت بوو. ناوبراو پاش ئەو ڕووداوە دەستبەسەر و دواتر لە لایەن دەزگای قەزایی ڕژیم بە تۆمەتی “کوشتنی بە ئەنقەست بە “قیساس” مەحکووم کرابوو. شایانی باسه، پێشتر، بنەماڵەی کوژراوەکە ڕایانگەیاندبوو، بە وەرگرتنی بڕی ١ میلیارد و ١٠٠ ملیۆن تمەن، چاوپۆشی لە جێبەجێکردنی حوکمی لەسێدارەدانی ئەو هاووڵاتییە دەکەن.