ڕاپۆرته‌كان باس له‌وه ده‌كه‌ن كه دانیشتووانی گەڕەکی پارکی ”خەتی”ی مەیدانی موعەلیمی شاری ئیلام بەهۆی ئەوەیکە شارەداریی و شورای شاری ئیلام داواکارییەکانییان بۆ جێبەجێ ناکەن ناڕەزایەتییان دەربڕیوه.
دانیشتوانی ناڕازیی ڕایانگەیاندووە، چەندین جارە بە شێوەی نووسراوە داوایان لە شارەداریی و شورای شاری ئیلامی کردووە پارکی خەتی دروست بکەن، به‌ڵام هەتا ئێستا ئەو داواکارییە جێبەجێ نه‌كراوه. شایانی باسه، بەهۆی ئەوەیکە ئەو گەڕەکە ئاسفاڵت نەکراوە و خاکییە لە وەرزی هاوین و بەتایبەتی لە زستاندا کێشەیەکی زۆر بۆ دانیشتووانی ئەو گەڕەکە دروست دەکات. دانیشتووانی ئەو گەڕەکە باس لەوە دەکەن ماوەی دوو ساڵە بەدواداچوونی ئەو کێشەیە دەکەن بەڵام هەتا ئێستا کێشەکانیان چارەسەر نەکراوە.