ڕاپۆرته‌كان باس له‌وه ده‌كه‌ن كه سێ به‌ندكراوی خەڵکی میاندواو و بۆکان دوای ١٤ مانگ لە ده‌ستبه‌سه‌ركرانیان، لە زیندانی ناوه‌ندی بۆکانه‌وه گوازراونه‌ته‌وه بۆ زیندان مهاباد.
بە پێی ئه‌م ڕاپۆرته، سێ بەندکراوی خەڵکی شارەکانی میاندواو و بۆکان بە ناوەکانی “جەمال یوسفی”، خەڵکی ئاوایی موشیرئاوای سەر بە میاندواو، ” مەنسوور شاره‌بان” خەڵکی ئاوایی ئیبراهیم ئاوای میاندواو و “حسێن ئیبراهیم حەمزە” خەڵکی ئاوایی قەرەگۆلی بۆکان دوای تەواو بوونی لێکۆڵینەوەکەیان لە زیندانی بۆکان بۆ زیندانی مهاباد ڕاگوێزران. جێگه‌ی ئاماژەیە، ئەم سێ کەسە بە تۆمەتی “هاوکاری لەگەڵ یەکێک لە حیزبە نه‌یاره‌كانی ڕژیم” دەستبەسەر و لە ساڵی ٩٥ بۆ ماوەی نزیک بە ساڵێک بە دانانی وه‌سیقه بە شێوەی کاتی ئازاد کرابوون.