ڕۆژی شەممە ٢٣ی خاکەلێوە، “شارام سەفەری”، ڕۆژنامەوان و بەڕێوەبەری کاناڵی تێلێگرامیی “ڕاوێژ پرێس”، به‌دوای بانگ كرانی له لایه‌ن دادگای سه‌رپۆل زه‌هاب، بە دانانی وه‌سیقه‌ی ٦۰ ملیۆن تمەنی ئازاد کرا.
به پێی ئه‌م ڕاپۆرته، ناوبراو لەسەر سکاڵای زانکۆی علووم پزیشکیی کرماشان، بە تۆمەتی “بڵاوکردنەوەی ئاماری تووشبووان بە ڤایرۆسی کۆرۆنا”، بانگهێشتی دادگا کرابوو. هه‌ر لەم پەیوەندییەدا، ڕۆژی یەکشەممە ١٦ی خاکەلێوە، بەڕێوەبەری کاناڵی تێلێگرامیی “شارەکەم پاوە” بە ناوی “سەعید ئەحمەدی”، لەلایەن هێزە ئه‌منییه‌کانەوە دەستبەسەر و بۆ شوێنێکی نادیار ڕاگوێزرا.