به پێی ڕاپۆرته‌كان، لە ئه‌نجامی ڕووداوێکی هاتووچۆ لە ڕێگای نێوان “سەقز ـــ دیواندەرە” حه‌وت هاووڵاتیی بوونە قوربانی ڕووداوی هاتووچۆ و گیانیان لەدەستدا.
بەپێی ئه‌م ڕاپۆرته، ڕۆژی دووشەممە ١٨ی خاکەلێوه لە ڕووداوێکی هاتووچۆ لە ڕێگای نێوان سەقز ـــ دیواندەرە حەوت کەس گیانیان لەدەستداوە کە خەڵکی شارەکانی دیواندەرە، جوانڕۆ و هەروەها ئاوایی تیلەکۆ بوون. پێویسته ئاماژه بكرێ كه ساڵانە ژمارەیەکی زۆر له هاووڵاتییان به‌هۆی ستاندارد نه‌بوونی ڕێگاوبانەکان، نەبوونی نیشانەکانی هاتووچۆ و پابەندنەبوونی شۆفێرەکان بە یاسا و ڕێنماییەکان ده‌بنه قوربانیی و دەسەڵاتیش لەم پێوەندییەدا کەمتەرخەمە و هیچ ئاوڕێک لە ویست و داواکانی خەڵک ناداتەوە.