به پێی ڕاپۆرتی ڕێكخراوی مافی مرۆڤی هەنگاو، دوو هاووڵاتیی خەڵکی یەکێک لە گوندەکانی دەورووبەری شاری بۆکان کە ساڵی ڕابردوو لە لایەن هێزە ئەمنییەکانەوە دەستبەسەر کرابوون، هێشتا دادگایی نەکراون و لە زیندانی ئه‌مشارە ڕاگیراون.
بە پێی ئه‌م ڕاپۆرته، دوو هاووڵاتیی خەڵکی گوندی “قەرەگوڵ”ی سه‌ر به شاری بۆکان بە ناوەکانی “هیوا قوربانی ئەقدەم” و “محەممەد ئەلیاسی” سەرەڕای ئەوەی کە یەک ساڵە دەستبەسەر کراون، بەڵام هێشتا نە دادگایی کراون و نە مافی مرەخەسییان پێدراوە. جێگه‌ی ئاماژه‌یه، ئەم دوو هاووڵاتییە ڕۆژی شەممە ١٧ی خاکەلێوەی پاره‌كه دوای بانگ کران بۆ پاسگای قەرەمووسالی به تۆمه‌تی “هاوكاری له‌گه‌ڵ یه‌كێك له حیزبه نه‌یاره‌كانی ڕژیم”، دەستبەسەر و پاش ڕاگوێزرانیان بۆ گرتووخانه‌ی ئیدارەی ئیتلاعات، له زیندانی ناوەندیی شاری بۆکان ڕاگیراون.