به پێی هه‌واڵی گه‌یشتوو، شه‌وی سێشه‌ممه له‌سه‌ر چوارشه‌ممه، شارۆچکه‌ی حه‌سه‌ن‌ئاوای سنه له لایان چالاكانی ژینگه‌پارێز و مه‌دە‌نی گه‌نبڕکرا .
هه‌واڵی گه‌یشتوو باس له‌وه ده‌كات كه ئه‌م چالاكانه به که‌مترین که‌رەسه و ئیمکانات بۆ دووهه‌م جار له ماوه‌ی هه‌فته‌ی رابردوو ئه‌م شارۆچکه‌یان له ویرووسی كۆرۆنا گه‌نبڕ کرد. ئه‌مه له‌كاتێكدایه كه به‌هۆی كه‌مته‌رخه‌می و ناكارامه‌بوونی ده‌وڵه‌ت له ئه‌ركی گه‌نبڕ كردنی شاره‌كان، خه‌ڵكی زۆرێك له شاره‌كانی كوردستان له‌وانه، سنه، مه‌ریوان، بۆكان، مهاباد، پیرانشار، سه‌قز و چه‌ندین شاری دیكه به هه‌زینه‌ی خۆیان و ئیمكاناتی خۆیانه‌وه هه‌ستاون به بڵاوكردنه‌وه‌ی ئیمكاناتی بێهداشتی وه‌ك، ماسك، ده‌ستكێش و هه‌روه‌ها گه‌نبڕكردنی شه‌قام و كۆڵانه‌كان له ئاستی شار و دێهاته‌كان.