به پێی ڕاپۆرته‌كان، خەڵکی مەریوان وەک هەمیشە لە هەڵمەتێکی خۆڕسکدا، دەستیان کردووه بە چاندنی دار و هەروەها لێکردنەوەی نەخۆشی لە دار بەڕووەکان.
به پێی ئه‌م ڕاپۆرته، خەڵکی ژینگەدۆستی گوندی “هەجمنە” سەر بە سەوڵاوا، ڕۆژی شەممە ٢ی خاکەلێوە، لە هەڵمەتێکی خۆڕسک و ژینگەدۆستانەدا، بڕیاری چاندنی ٥٠٠ داریان دا. هەر لەو پەیوەندییەدا و هاوکات لەگەڵ ڕۆژی جیهانیی دارستان و لە ٤ ڕۆژی بەردەوامدا، کۆمەڵێک لە گەنجانی خۆبەخش لە هەڵمەتێکی بەنرخدا و بە خەمخۆرییەوە بوون بە یاوەری داربەڕووەکان و دارستانەکانی گوندی “بەرقەڵا”ی سەر بە مەریوانیان لە نەخۆشیی “دەمووکە” یان “لۆرانتووس” داماڵی و ژیانێکی تازەیان بەخشیوە بە دارەکان.