به پێی ڕاپۆرته‌كان، هاووڵاتییەکی خەڵکی خۆی له لایه‌ن دادگای ڕژیم له‌مشاره حوكمی یه‌ك ساڵ زیندانی به‌سه‌ردا سه‌پێندرا.
به پێی ئه‌م ڕاپۆرته، لە ماوەی ڕۆژانی ڕابردوودا، هاووڵاتییەکی خەڵکی شاری خۆی بە ناوی ”جەبار دودکانلوو“ لەلایەن دادگای ڕژیم له‌مشاره بە تۆمەتی “ئه‌ندامبوون لە یەکێک لە حیزبە نه‌یاره‌كانی ڕژیم” حوکمی یەک ساڵ بەندکرانی بە سەردا سەپێندراوە. شایانی باسه، جەبار دودکانلوو خوێندکاری زانکۆی ئازادی شاری خۆی، ڕێکەوتی ٢٥ی پووشپەڕی ئەمساڵیش لەلایەن هێزە ئەمنییەکانەو دەستبەسەر و پاش مانگێک بە دانانی وه‌سیقه‌ی ١١٠ میلیۆن تمەنی و بە شێوەی کاتی ئازاد کرابوو.