ژمارەیەک له دەرچووانى زانکۆ کە ناویان گەڕاوەتەوە بۆ دامەزراندن لە بهرامبهر پەروەردەى شاری کەرکوک كۆبوونەوە و رایانگەیاند، تا ئێستا فەرمانى کارگێڕییان بۆ دەرنەکراوە.
بەشێک لەو دەرچووانە ئاماژەیان بەوەکردووه، ئەگەرچى ناوەکانیان گەڕاوەتەوە، بەڵام بەهۆى خۆپیشاندانى بەشێک لەوانەى ناوەکانیان نەهاتووەتەوە بە بیانوى گەندەڵى، دامەزرانیان راگیراوە و تا ئێستا فەرمانى کارگێڕییان بۆ دەرنەکراوە. ناڕازییان دهشڵێن: رەنگە گەندەڵى کرابێت و بەشێوەیەکى نا یاسایی ناویان هاتبێتەوە، بەڵام ناکرێت تەڕ و وشک پێکەوە بسوتێنرێت و ئەوان کە چەند ساڵێکە وانەبێژن دامەزراندنیان رابگیرێت. ئەوەش لەکاتێکدایە، پێشتر چەند دەرچوویەکى خوێندکارى زانکۆ ناویان بۆ دامەزراندن گەڕایەوە و ئەوەش نیگەرانى بەشێک لە دەرچووانى لێکەوتەوە کە ناویان نەهاتبووەوە و بەوهۆیەشەوە پڕۆسەکەیان لە ئێستادا راگرتووە.