به پێی ڕاپۆرته‌كان، له‌ماوه‌ی ڕۆژانی ڕابردوودا، هاووڵاتییەک بە ناوی “شه‌هرام شاکری”، خەڵکی شاری مەریوان کە لە ناڕەزایەتییەکانی مانگی خەزەڵوەردا دەستبەسەر کرابوو، ئازاد کرا.
ئەو هاووڵاتییە لە ماوەی دەستبەسەرکرانیدا، لە بوونی پارێزەر و چاوپێکەوتن لەگەڵ بنەماڵەکەی بێبەری بووە. “شارام شاکری” لە ڕەوتی کۆبوونەوە ناڕەزایەتییەکانی گرانبوونی بێنزین لە شاری مەریوان لەلایەن هێزە ئیتلاعاتییەکانەوە دەستبەسەر و پاش تەواوبوونی لێپرسینەوەکەی ئازاد کرا. پێشتر هێزە ئیتلاعاتییەکان لە دانی هەر جۆرە زانیارییەک سەبارەت بەو هاووڵاتییە بە بنەماڵەکەی، خۆیان بواردبوو.