ڕاپۆرته‌كان له شاری سه‌قز باس له‌وه ده‌كه‌ن كه یه‌كێكی دیكه له برینداربووانی تالار “مانگه‌شه‌و”ی ئه‌مشاره به‌هۆی سه‌ختی برینه‌كه‌یه‌وه گیانی له‌ده‌ستداوه.
بە پێی ئه‌م ڕاپۆرته، یەکێکی دیكه لە بریندارەکانی تەلاری مانگەشەوی شاری سەقز بەناوی “ساڵح محەممەدی” خەڵکی شاری بۆکان کە لە بەشی “ICU”و لەبارودۆخێکی خراپدابوو، ڕۆژی چوارشەممە ٢٠ی سەماوەز، گیانی لەدەستدا و به‌مجۆره ژمارەی قوربانیانی ئەم ڕوداوە گەیشتە ١٣ کەس.