ڕاپۆرته‌كان له شاری سه‌قز باس له‌وه ده‌كه‌ن كه بەهۆی تەقینەوەی گاز لە ئاهەنگێکی زه‌ماوه‌ند له له‌مشاره، لانیكه‌م ١١ کەس گیانیان لە دەستداوه و به ده‌یان کەسیش برینداربوون.
به پێی هه‌واڵی گه‌یشتوو، کاتژمێر ٩ و ٣٠ ده‌قیقه‌ی شه‌وی پێنجشه‌ممه له‌سه‌ر هه‌ینی،لە ئاهەنگێکی زه‌ماوه‌ند، بەهۆی لێچوونى گاز و دواتر تەقینەوەی پێنج كه‌پسوولی گاز لە شاری سەقز، ژمارەیەک هاووڵاتی کە زۆرینەیان منداڵن، گیانیان لە دەستداوە. شایانی باسه، بەهۆى تەقینەوەکەوە ١١ کەس گیانیان لە دەستداوە و نزیکەى ١٠٠ کەسی دیکەش برینداربوون و دۆخى تەندروستی هەندێک لە بریندارەکانیش ناجێگیرە.