شنبه – 8 تیر – ۱۳۹۸ , 29 – 06 – 2019
سێنای ئه‌مریكا ڕۆژی هه‌ینی ٢٨ی مانگی ژۆئه‌ن، له كۆبوونه‌وه‌یه‌كی تایبه‌تدا گه‌ڵاڵه‌ی دێمۆكراته‌كان سه‌باره‌ت به هه‌ڵوه‌شاندنه‌وه‌ی پڕۆژه یاسایه‌ك بۆ ڕێگرتن له هێرشی نیزامی ئه‌مریكا بۆ سه‌ر ئێرانی ڕه‌ت كرده‌وه.
دانیشتنی سێنا بۆ تاوتوێ كردنی ئێختیاراتی سه‌رۆكی ئه‌مریكا بۆ هێرشی نیزامی له‌دژی ئێران و پێداگری ناوبراو له‌سه‌ر ئه‌وه‌یكه ئه‌م ئێختیاراته پێویستی به ئیزنی كۆنگره نییه به‌ڕێوه‌چووبوو. بۆ په‌سه‌ندكردنی ئه‌م پێشنیاره پێویست بوو كه ٦٠ سێناتۆر له كۆی ١٠٠ سێناتۆر، ده‌نگ به‌م گه‌ڵاڵه‌یه بده‌ن. ده‌نگدان به‌م گه‌ڵاڵه‌یه ڕۆژی هه‌ینی ده‌ستی پێكرد كه سه‌رئه‌نجام زیاتر له ٤٠ سێناتۆر ده‌نگی نه‌رێنیان به‌گه‌ڵاڵه‌ی دێمۆكراته‌كان دا. به پێی ئه‌م ده‌نگدانه، ده‌ستی دوناڵد ترامپ بۆ هه‌ر جۆره هه‌وڵێكی نیزامی له‌دژی ئێران به بێ ڕێگه‌دانی كۆنگره ئاواڵاتر ده‌بێت.