دوشنبه – ۳ تیر – ۱۳۹۸ , 24 – 06 – 2019
ڕۆژی یه‌كشه‌ممه ٢ی مانگی پووشپه‌ڕ، له‌سه‌ر بڕیاری شوڕای باڵای هه‌ڵبژاردنه‌كانی توركییه و به ڕه‌سمی نه‌ناسینی هه‌ڵبژاردنی پێشوو، بۆ جارێكی دیكه هه‌ڵبژاردنی شاره‌دارییه‌كان له‌شاری ئیستانبۆل به‌ڕێوه‌چوو.
ڕكابه‌ره سه‌ره‌كییه‌كانی ئه‌م قۆناخه‌ی هه‌ڵبژاردنه‌كانی شاره‌داری ئیستانبۆل ، ” ئه‌كره‌م ئیمام ئۆغڵو” له پارتی كۆماری خوازی خه‌ڵك و “بن عه‌لی یه‌لدریم” سه‌رۆك وه‌زیرانی پێشوو له پارتی “ئاكه‌په” كه بۆ ده‌نگ وه‌رگرتن له شاری ئیستانبۆل كێبه‌ركێیان ده‌كرد. له‌م هه‌ڵبژاردنه‌دا ئه‌كره‌م ئیمام ئۆغڵو به ٥٤ له سه‌د به‌رامبه‌ر به ٤٥ له سه‌دی ده‌نگه‌كان بن عه‌لی یه‌لدریم، سه‌ركه‌وتوویی به‌ده‌ست هێنا. ئه‌م ڕووداوه شكستێكی گه‌وره بۆ حیزبه‌كه‌ی ئه‌ردۆغان ده‌ژمێردرێ، ئه‌وه‌ش له حاڵێكدایه كه پێشتر خۆیان داوایان كردبوو هه‌ڵبژاردن سه‌رله‌نوێ بكرێته‌وه.