وەزارەتی بەرگریی تورکیە شەوی پێنجشەممە لە ماڵپەڕی فەرمی خۆی ڕایگەیاند، “باتوهان شیمشەک” کە لە ئەنجامی هێرشێکی مووشەکیدا لە لایەن گەریلاکانی پەکەکەوە بریندار کرابوو، لە نەخۆشخانە گیانی لەدەستداوە.
بەگوێرەی راگەیێندراوەکەی وەزارەتی بەرگریی تورکیە، ئەو ئەفسەرە دوای ئەوەی لە باشووری کوردستان برینداربووە گەیێندراوەتە نەخۆشخانە، بەڵام بەهۆی سەختیی برینەکەی شەوی پێنجشەممە گیانی لەدەستداوە. جێگای ئاماژەیە لە ماوەی حەفتەی ڕابردوودا ژمارەیەک سەربازی سوپای تورکیە و بەکرێگیراوی ئەو وڵاتە لە باشووری کوردستان کوژراون.