کۆمەڵە_رێكخراوی كوردستانی حیزبی كۆمونیستی ئیران
راگه‌یاندنه‌كان

ڕاگەیاندنی کۆمیتەی ناوەندی کۆمەڵە بە بۆنەی گیان به‌ختكردنی هاوڕێ فەرهاد شەعبانی

Untitled

  بە داخێکی گرانەوە رای ده‌گه‌یه‌نین کە بەرەبەیانی ڕۆژی یەکشەممە ٣٠ مانگی جۆزەردان هاوڕێ فەرهاد شەعبانی دوای نزیک بە ٣ مانگ دەست و پەنجە نەرمکردن لەگەڵ نەخۆشی شێرپەنجە، سەرەڕای هەوڵی زۆر و پڕاوپری پزیشکی، لە وڵاتی سوئێد دڵی مێهرەبانی لە لێدان کەوت و بۆ هەمیشە ئێمەی هاوسەنگەر و هاوخه‌باتی جێهێشت.

هاوڕێفەرهادشەعبانیسیمایناسراووخۆشەویست،یەکێکلەڕێبەرانیبزوتنەوەیشۆڕشگێڕانەیکوردستانویەکێکلەهەڵسوڕاوانیهه‌لكه‌وتوی بزوتنەوەی کومونیستی لە ئێران بوو. هاوڕێ فەرهاد شەعبانی چەندین ساڵ لە پێگەی ڕێبەریی کۆمەڵە و حیزبی کومونیستی ئێراندا، ئاڵا هەڵگری هەوڵ و تێکۆشانی بێ پسانەوە لە ڕێگای ڕزگاری کرێکاران و خەڵکی زەحمەتکێش و دەستەبەر کردنی مافەکانیان بوو.

  هاوڕێ فەرهاد شەعبانی لە ماوەی ٤٢ ساڵ هەوڵی ماندوویی نەناسانەیدا چ وەک پێشمەرگه‌ لە گۆڕەپانی بزوتنەوەی شۆڕشگێڕانەی خەڵکی کوردستان، چ وەک کرێکار له‌ جه‌رگه‌ی خه‌باتی كرێكاری و چ وەک ڕێبەر لە دیاریکردنی ئاڕاستەی سیاسی ته‌شکیلاتێکی کومونیستی، گەلیک یادگاری لە بیرنەکراوی لە دوای خۆی جێهێشتوە. ده‌نگی دلێری ئه‌و ئازیزه‌ بۆ دیفاع لە مافی سته‌ملێكراوان و چەوساوەکان، ئێستاش لە هەموو شۆێنێك ده‌زرینگێه‌ته‌وه‌.

  هاوڕێ فەرهاد شەعبانی رۆژی ١٧ ی مانگی ڕەشەمەی ساڵی ١٣٣٧ ی هەتاوی رێكه‌وتی ٨ ی مانگی ماڕسی ١٩٥٨ ی زاینی لە ” کوێرئاوا“  گەڕەکێک لە په‌راوێزی شاری سنە، لە بنەمالەیەکی هەژار چاوی به‌ژیان پشکوت. یازدە ساڵان بوو کە بۆ یارمەتیدان بە بژیوی بنەماڵە  و دابین کردنی هەزینەی خوێندنی خۆی رووی كرده‌ كرێكاری. دژواریەکانی ژیان ناچاری کرد نەتوانێ درێژە بە خوێندن بدات و لە قۆناغی ناوەندیدا دەستی هەڵگرێت و هەموو کاتی خۆی بۆ دابین کردنی بژیوی ژیانی بنەمالەکەی تەرخان بکات. بۆ ماویەیک چووە نێو سازمانێکی تازە پێکهاتو لە ناو سوپای ڕژیمی شا بەناوی” سازمانی جەوانان“. لەگەڵ دەستپیکردنی ئاخێزی خەڵکی ئێران لەدژی ڕژیمی شا لەگەڵ ژمارەیەک لە هاوکارەکانی لە ئەڕتەشدا” هەستەی ئاڕمانی ئەڕتەشی خەلک” یان پێکهێنا و هەموو تواناییەکانی خستە خزمەت بە بەئاکام گەیاندنی شۆڕشی كۆمه‌لانی خەڵکی ئێرانەوە. گروپه‌كه‌ی كاك فه‌هارد لە جه‌ریانی موقاوه‌مه‌تی ٢٤ رۆژەی شاری سنەدا بە کۆمەڵەوە پەیوەست بوو. لەوە بەدواوە ژیانی هاوڕێ فەرهاد شەعبانی له‌ گه‌ڵ هەوراز و نشێوەکانی بزوتنه‌وه‌ی شۆرشگیرانه‌ی كوردستان و ڕەوتی گەشە و پتەوتر بوونی پێگەی کۆمەڵە لە کۆمەڵگای کوردستاندا گرێدرا.

  لەو رۆژەوە تا کۆتاییەکانی ژیانی هیچ مەیدانێک لە هەڵسوڕانی کۆمەڵە و دواتر لەگەڵ پێکهاتنی حیزبی کومونیستی ئێران نییە کە تییدا دەوری کاریگەری بەرچاوی هاوڕێ فەرهاد شەعبانی وەک پێشمەرگەیەکی قارەمان، کرێکارێکی تێکۆشەر، ئاژیتاتۆڕێکی رۆشن بین  و ڕێبەرێکی خاراو و بە توانا نەبیندرێت.

  هاوڕێ فەرهاد شەعبانی لە دوایین هەناسەکانیدا ، باوه‌ری خۆی به‌ ئاوات و ئامانجەکانی لە چەند ڕستەی کورت دا هێنایە سەر زمان و سەرئەنجام بە کەلامی” بژی سۆیالیزم” چاوەکانی لێکنا. لە رۆژە دژوارەکانی نەخۆشینەکەیدا  و لە حاڵێکدا کە ئاگاداری مەرگی حەتمی خۆی بوو، به‌ هەموو تواناوه‌ دڵنه‌وایی هاوسەر و رۆڵه‌كانی ده‌دایه‌وه‌ و په‌یامی هیوادار بوون بە سەرکەتنی لە ڕێگای تۆڕەکۆمەڵایەتیەکانەوە ده‌گه‌یانده‌ هاوسه‌نگه‌رانی. بێگومان نەبوونی هاوڕێ فەرهاد شەعبانی خەسارێکی گەورەیە بۆ كۆمه‌ڵه‌، بۆ بزوتنەوەی کومونیستی ئیران، بۆ بزوتنەوەی کرێکاری و بزوتنەوەی شۆڕشگێڕانەی خەڵکی کوردستان.

  کۆمیتەی ناوەندی کۆمەلە بە دەربڕینی داخ و پەژارەی قوڵی خۆی بۆ گیانبه‌ختكردنی هاوڕێ فەرهاد شەعبانی لە قوڵایی دڵەوە سەرەخۆشی لە هاوسەری تێکۆشەری زارا و منداڵە نازدارەکانی ئارام و فۆئاد و ئەشکان و گشت هاوسەنگەرانی و هەموو ئەو کەسانەی کە دڵیان بۆ ئاڕمانەکانی هاوڕێ فەرهاد لێئەدات دەکات.

کۆمیتەی ناوەندی کۆمەڵە

ڕێکخراوی کوردستانی حیزبی کومونیستی ئێران

٣٠ جۆزەردانی ١٤٠٠

٢٠ ی ژوئێنی ٢٠٢١