بەداخ و پەژارەیەکی زۆرەوە ئاگادار بووین کە هاوڕێ سدیقە نەبەوی بە هۆی نەخۆشینەوە لە وڵات سوئێد ماڵئاوایی لە ژیان کرد.
هاوڕێ سدیقە نەبەوی دوای ڕاپەڕینی ساڵی ١٣٥٧ لە ئێران لە گەڵ کۆمەڵە ئاشنا بوو و هەر لەوکاتەدا هەڵسوڕانی رێکخراوەیی خۆی بە کۆمەڵەوە گرێدا. لە نێوان ساڵەکانی ١٣٦١ تا ١٣٦٣ی هەتاوی لە ڕێکخراوی نهێنی کۆمەڵەدا چالاک بوو و دواتر بە ڕیزی پێشمەرگایەتی کۆمەڵە پەیوەست بوو. لە ساڵانی پێشمەرگایەتی دا، هاوڕێ سدیقە لە بەشی پزشکی و لە بەشی پەیوەندییەکانی کۆمەڵە (ئاسۆس) کاری دەکرد و وەک هاوڕێیێکی دڵسۆز و لە خۆبوردوو خۆشەویست و جێگای ڕێز بوو.
بە بۆنەی ماڵئاوایی لە ژیانی هاوڕێ سدیقە نەبەوی سەرەخۆشی لە هاوڕێ تەهمورس کەرباسی و ئالانی خۆشەویست و سەرجەمی بنەماڵەی ئەم ئازیزە دەکەین و خۆمان بە شەریکی غەمیان دەزانین.
نوێنەرایەتی کۆمەڵە لە دەرەوەی وڵات
١٧\٦\٢٠٢٢