دادگای پێداچوونەوەی ڕژێم لە ئەسفەهان، حوکمی شەش ساڵ زیندان، بژاردنی جەزای نەقدی (سزای دارایی) و بێبەشبوونی کۆمەڵایەتیی دەرکراو دژ بە “ڕۆیا ئۆستوار“ی وەک خۆی پەسند کردەوە.
بەپێی ئەم حوکمە، ئەو بە تۆمەتی “چالاکیی پەروەردەیی و پڕوپاگەندەی دژ بە ئیسلام” لە ڕێگەی بەڕێوەبردنی گرووپێکی وەتسئەپی، سزای پێنج ساڵ زیندانی تەعزیری، بژاردنی جەزای نەقدی و ١٥ ساڵ بێبەشبوون لە مافە کۆمەڵایەتییەکانی بەسەردا سەپاوە. “ڕۆیا ئۆستوار” هەروەها بە تۆمەتی “چالاکیی پڕوپاگەندەیی دژ بە نیزام” سزای ساڵێک زیندانی تری بۆ بڕاوەتەوە و کۆی حوکمە دەرکراوەکان دژی ئەو گەیشتووەتە شەش ساڵ زیندان.