بەپێی ڕاپۆرتی میدیاکانی لوبنان، پاش بەرزبوونەوەی ئەگەری پەرەسەندنی هێرشەکانی ئیسرائیل، ژمارەیەک لە دانیشتووانی ناوچەی زاحیەی باشووری بەیروت شوێنی نیشتەجێبوونی خۆیان بەجێهێشتووە.
ڕاپۆرتەکان ئاماژە بەوە دەکەن کە ڕۆژی ڕابردوو و پاش هەڕەشەکانی ئیسرائیل بۆ دەستپێکردنی ئۆپەراسیۆنێکی نوێ کە بەشێک لە بەیروتی لوبنان دەگرێتەوە، خەڵکی ئەو شارە بە هۆی هەڕەشەکانەوە بە تەواوی شوێنی نیشتەجێبوونی خۆیان بەجێ هێشتووە. شایانی باسە کە ئیسرائیل پلانی دەستپێکردنی ئۆپەراسیۆنێکی نوێی پەسەند کردووە کە بەشێکی ئەو پلانە بریتییە لە ئەنجامدانی هێرش لە ناوچەکانی بەیروت.