به پێی ئاماره‌كان، بەهۆی هەژاری و دۆخی نالەباری ئابووری، ڕێژەی وازهێنان لە خوێندن لە ئێراندا پەرەی سەندووە.
“عەلیڕەزا کەمرئی”، جێگری فێرکاریی دواناوەندیی وەزارەتی ئاموزش و په‌روه‌رشی ڕژیم، باسی لەوە کردوە کە لە قۆناغی دواناوەندیی یەکەمدا، ٣ و ٩ ده‌هوم لەسەد لە کچان و ٤ و ٥٥ سه‌دۆم لەسەد لە کوڕان، وازیان لە خوێندن هێناوە . بەپێی ئەم ئامارە، ڕێژەی وازهێنان لە خوێندن لە کوڕاندا لە سەرترە. جێگه‌ی ئاماژه‌یه، بەهۆی گرانبوونی کەلوپەل و پێداویستییەکانی خوێندن و خراپبوونی دۆخی ئابووری و گوزەرانی خەڵک، بەشێکی بەرچاوی بنەماڵەکان ناچار بوون پێش بە خوێندنی منداڵەکانیان بگرن. لە ماوەی یەکساڵی ڕابردوودا، گرانی و بێکاری ژیانی بنەماڵەکان لە ئێران بردووەتە دۆخێکی مەترسیدارەوە و هەر ئەم بارودۆخەش کاریگەریی مه‌نفی لەسەر دەروون و جەستەی خوێندکاران داناوە، بە جۆرێک کە بەشێکی بەرچاو لە خوێندكاران ناچارن کە واز لە خوێندن بێنن و بە شوێن کاردا بگەڕێن.