پلۆنۆمی نۆههمی كۆمیتهی ناوهندیی حیزبی كۆمۆنیستی ئێران، ههڵبژێردراوی كۆنگرهی ١٢، بهیانیی ڕۆژی شهممه ١١ی مانگی گهلاوێژ بهرابهر لهگهڵ ١ی ئووتی ٢٠٢٠ به سروودی ئهنترناسیۆناڵ و دهقیقهیهك بێدهنگی بۆ ڕێزگرتن له یادی گیان بهختكردووانی ڕێگای ئازادی و سۆسیالیسم دهستی به كار كرد. لهو پلۆنۆمهدا ئهندامانی كۆمیتهی ناوهندیی كۆمهڵه وهك چاوهدێر بهشدار بوون. بهشی ئهوهڵی باسهكانی ئهم دانیشتنه به ڕاپۆرتی سیاسیی كۆمیتهی ئیجرایی و پاشان ڕاپۆرتی تهشكیلاتی كۆمیته و ئۆرگانه جۆراوجۆرهكانی تهشكیلاتی حیزب به پلۆنۆم و ههڵسهنگاندنی ئهم ڕاپۆرتانه، تهرخان كرا. لێكدانهوهی گرینگترین ڕهوتهكانی ئێستای جیهان و ناوچهكه و ههڵسهنگاندنی باروودۆخی سیاسیی ئێران، له میحوهره سهرهكیهكانی ڕاپۆرتی سیاسیی كۆمیتهی ئیجرایی حیزب به دانیشتنی كۆمیتهی ناوهندی بوو.
له ڕاپۆرتی سیاسی كۆمیتهی ئیجرایی دا، لهسهر توندبوونهوهی بهستێنه مادی و بابهتیهكانی ڕاپهڕین و شۆڕش دژبه نیزامی سهرمایهداری وهك تایبهتمهندیی جیهانی ئێستا تهئكید كرا. كاردانهوهی جهماوهری خهڵك نیسبهت به كوژرانی جۆرج فلۆید به دهستی پۆلیس ڕهنگدانهوهی توندبوونهوهی ئهم بهستێنه بابهتیانه و نموونهی بهرچاوی ئهم ڕووحیه شۆڕشگێڕانهیه بوو. ئهم بزووتنهوهیه، قوربانیانی ڕاستهوخۆی ڕهگهزپهرستی تێپهڕاند و پتر له ٨٠٠ شاری ئهیالهتی ئهمریكا و و شارهكانی دیكهی له ٧٠ وڵاتی جیهان تهنیهوه. ئهم ڕاپهڕینه بهو پانتاییهی كه پهیدای كرد، تهنیا خۆپیشاندان دژبه ڕهگهزپهرستیی پۆلیس نهبوو، بهڵكوو دژبه نابهرابهریی ئابووری، كۆمهڵایهتی و داماوبوونی دهوڵهتهكان بهتایبهت ئهمریكا له بهرامبهر گشتگیربوونی قهیرانی كۆرۆنا بوو كه زۆرترین قوربانیانی له توێژهكانی خوارهوهی كۆمهڵگا وهرگرت. بهڵاوبوونهوه و گشتگیربوونی قهیرانی كۆرۆنا له ئاست جیهان بۆشاییهكانی ناو نیزامی سهرمایهداریی بهرچاوتر كرد. ڕاسته كه فاكتهری تهمهن و سڵامهتیی كهسهكان لهسهر ڕێژهی قوربانیان كاریكهرییهكی دیاری ههیه، بهڵام ڕهنگی پێست و پێگهی كۆمهڵایهتیی مرۆڤهكان ڕۆڵێكی چارهنووس سازتری ههیه لهوهیكه چ كهسانێك زیاتر دهمرن و چه كهسانێكیش شانسی زیندوو مانهوهیان لهسهرتره. له حاڵێكدا كه گشتگیربوونی كۆرۆنا ههزاران كهس دهكاته قوربانی، ڕكوودی ئابووری له نیوهی ئهوهڵی ئهمساڵدا، ئاستی بهرههمهێنانی له زۆربهی ئابووریهكانی جیهان تا یهك چوارهم هێناوهته خوارێ. به پێی پێشبینیهكان ئهمساڵ پتر له ١٧٠ وڵات داهاتی سهرانهی مهنفییان دهبێت. كهم و زۆر، نیوهی وڵاتهكانی جیهان له سندووقی نێونهتهوهیی پووڵ، داوای یارمهتیی ماڵییان كردووه. ڕێكخراوی نێونهتهوهیی كار لهسهر ئهو باوهڕهیه كه له دهست دانی سهعاتی كار له جیهان بهرابهره لهگهڵ ٣٠٥ ملیۆن پیشهی تهواو وهخت. تهنیا له ئهمریكا ئاماری بێكاری گهیشتووهته نزیك ٤٠ ملیۆن كهس. پتر له ٤٠٠ ملیۆن شیركهت له بهشه جۆراوجۆرهكان لهوانه بهرههمهێنان، وردهفرۆشی، ڕێستووران و هۆتێلهكان له بهردهم مهترسیی نابوودی دان. له لایهكی دیكهوه وێران كردنی دارستانهكان و لهناوبردنی زیندهوهر و ڕووهكی كێوی و گواستنهوهی بوونهوهرهكان بۆ ناوچه نوێیهكان و ههروهها ڕاوكردن و بازرگانی، ئهگهری گوێزرانهوهی نهخۆشیه ویرووسیهكانی له بوونهوهرهكانهوه بۆ مرۆڤ بروودهته سهرێ. لهم قۆناغهدا تێكهاڵانی قهیرانی كۆرۆنا لهگهڵ ڕكوودی ئابووریی سهرمایهداری و قهیرانی ژینگه، بهستێنی ناڕهزایهتیی دژبه سهمایهداری خوڵقاندووه.
تێكهاڵانی ئهم قهیرانانه، نیزامی سیاسیی جیهانی زیاتر ئاڵۆز دهكات و كێبهركێ له نێوان هێز و بلۆكهكانی سهرمایهداری بۆ پهرهپێدانی نفوزی ئابووری و سیاسی خۆیان، دیسان توندتر دهكاتهوه. شهڕی بازرگانی له نێوان بلۆكه زلهێزهكانی سهرمایهداری نیشانهی بهرچاوی ئهم ڕاستیهیه. كێبهركێ و شهڕی بازرگانیی ئهمریكا و چین و باقیی بلۆكه ڕهقیبهكان دهچێته قۆناغێكی تازهوه. له ڕاستیدا، لهسهر بهستێنی قووڵ بوونهوهی ناتهبایی پێكهاتهیی نێوان سهرمایه و كار، لهگهڵ توندبوونهوهی سیاسهتی ڕهگهزپهرستانه و باقیی شكڵهكانی ستهمی نیزامی سهرمایهداری و توندبوونهوهی كێبهركێی نێوان دهوڵهتهكان لهسهر پێكهێنانی گونجاوترین باروودۆخی وهدهست هێنانی قازانج، بهستێنه بابهتیهكان بۆ پهرهسهندنی بزووتنهوهی كرێكاری و ناڕهزایهتی دژبه سهرمایهداری زیاتر ئاماده دهكات. سهدان ملیۆن كهس لهو باروودۆخهدا دهكێشرێنه مهیدانی نهبهرد لهگهڵ ئهم سیستمه. خهباتی دژه سهمایهداری زیاتر له ڕابردوو لهئاست كۆمهڵایهتی دا جێدهكهوێ. لهگهڵ پهرهسهندنی ئهم ناڕهزایهتیانه، پێویستیی شكڵدانی ڕهوتێكی سیاسیی ڕادیكاڵ به ستراتێژی ڕووخاندنی سهرمایه، بۆ ئهم بزووتنهوانه دهبێته بابهتێكی ههرهگرینگ.
ڕاپۆرتی كۆمیتهی ئیجرایی سهبارهت باروودۆخی سیاسی ئێران تهئكیدی كرد كه ئهگهرچی قهیرانی كۆرۆنا له ئێران كاریگهریی لهسهر بزووتنهوه ناڕهزایهتیهكان دانا و له پهرهسهندیان ڕێگریی كرد، بهڵام ئهم قۆناغه بهناچار كورت و كاتی دهبێت. درێژهی مانگرتن و ناڕهزایهتیی كرێكاری، ناڕهزایهتیی جهماوهری له بێهبههان و شیراز و چهند شاری دیكه له نیوهی دووههمی مانگی پووشپهڕدا نیشانی دا كه ئهو بهستێنه بابهتیانهی كه بوو بههۆی سهرههڵدانی ئاخێزی مانگی خهزهڵوهر، ههروا بههێزه و توندتریش بوونهتهوه. لهو جێگایهوه كه بهرهنگاربوونهوه لهگهڵ كۆرۆنا خۆی بووهته مهیدانێك بۆ نیشان دانی داماویی كۆماری ئیسلامی و سیاسهتی دژهمرۆیی و ڕاگهیاندنی قهرهنتینه به بێ دابین كردنی بژێو و پانتایی ههژاری و فهلاكهتێك كه بهسهر كرێكاران و توێژه بێبهشهكانی كۆمهڵگای داسهپاندووه، نهفرهت و تووڕهیی جهماوهری خهڵكی له كۆماری ئیسلامی زیاتر كردووه. دهستپێشخهریی جهماوهر له شكڵدان به ستاد و ناوهند و كۆمیتهكانی یارمهتی گهیاندن و پشتوانی له پزیشكان و پهرستاران، نیشانهی هاوپشتیی خهڵك و عهزم و ئیرادهی ئهوانه بۆ ڕووخاندنی ئهم دهسهڵاته. ههر بۆیه قۆناغی پاش كۆرۆنا، قۆناغی پهرهسهندنی مانگرتنی كرێكاری و ناڕهزایهتیی جهماوهری دهبێت. قۆناغێك كه تێیدا كۆمهڵگا له باروودۆخی شۆڕشگێڕانه نزیك دهبێتهوه. له وهها قۆناغێكدا، یهكێك له گرینگترین ئهركهكانی ئێمه، پهرهپێدانی وێنهیهكی كامڵه له ڕووخاندنی شۆڕشگێڕانهی كۆماری ئیسلامی. پێویسته چاوهڕوانیهكانی جهماوهری خهڵك له ڕووخاندنی شۆڕێگێڕانهی كۆماری ئیسلامی ئهوهنده ببردرێته سهرێ كه هیچكام له بهشهكانی ئۆپۆزیسیۆنی بۆڕژوازی نهتوانن له ڕێگهی دهست به دهست كردن و گۆڕینی دهسهڵات لهسهرێوه، شۆڕش، لهبار بهرن.
له پلۆنۆم تهئكید كرا، له باروودۆخێكدا كه كۆمهڵگا بهرهو قۆناغێكی شۆڕشگێڕانه دهڕوا، بۆ زهمانهت كردنی سهركهوتنی كرێكاران له پێگهیهكی شۆڕشگێڕانهدا پێویسته ههر له ئێستاوه و له جهرگهی بزووتنهوهی داخوازیی كرێكاران، وێڕای وڵامدانهوه به نیازه كردوهییهكانی بزووتنهوهی ئێستا، پێداویستیهكانی ئهم بزووتنهوهیه ئاماده بكرێت. پێویسته چینی كرێكار و جهماوهری زهحمهتكێشی ئهم كۆمهڵگایه له بوار وشیاری و ڕێكخستنهوه تا ڕادهیهك ئاماده بن كه وهك هێزی مودهعیی بهدهستهێنانی دهسهڵاتی سیاسی دهركهون. پێویسته كرێكاران له ڕێگهی ئهزموون و وشیاریی خۆیان بهوه بگهن كه ڕێگای كۆتایی هێنان بهم ههمووه بێ مافی سیاسی و ئابووریه نهك له چوارچێوهی پهیوهندیی سهرمایهداریی، بهڵكوو له مهسیری ڕاپهڕینێكی شۆڕشگێڕانهدا ببینن كه دژبه نهزمی زاڵه. پێشڕهویی كرێكاران له خهبات و ڕێكخستنی ئهوان له شۆراكان و له ڕێكخراوه سهربهخۆ كرێكاریهكان له جهرهیانی مانگرتن و ناڕهزایهتیی ڕوو له گهشهی ئێستا و یهگرتنیان لهگهڵ بزووتنهوه كۆمهڵایهتی ناڕهزایهتیهكان، به ئاسۆی سۆسیالیسمهوهیه كه دهتوانێ ڕووخاندنی ڕژیمی كۆماری ئیسلامی و پهیوهندی چینایهتیی زاڵ زهمانهت بكات و ئاسۆی ڕزگاری له گشت نههامهتیهكانی نیزامی سهرمایهداری بهرهوڕووی كۆمهڵگا بكاتهوه. له ژێر تیشكی وهها بۆچوونێك به پرۆسهی دابین كردنی پێداویستیهكانی سهركهوتن بهسهر دوژمن دایه كه درێژهی مانگرتن و ناڕهزایهتی كرێكاری و جهماوهری گرینگیهكی تایبهت پهیدا دهكات. مانگرتن و خهباتی كرێكارانی ههفت تهپه، خهباتی ئێستای كرێكاران له ڕشته جۆراوجۆرهكان، ئاخێزه شاریهكان، خهبات دژبه شهپۆلی حوكمی ئێعدامی بهندكراوانی سیاسی و هیتر، نهتهنیا دهتوانێ كهش و ههوای خهبات زیندوو ڕاگرێت و له ڕێگهی داسهپاندنی خواستی خێرای خۆی، مهترسیی فهلاكهتی ئابووری و توندبوونهوهی كهش وههوای پۆلیسی كهم كاتهوه، بهڵكوو لهو ڕوانگهوه كه بزووتنهوهی كرێكاری و جهماوهری دهخاته پێكهیهكی گونجاوتر بۆ زاڵ بوون بهسهر لاوازیهكانی ڕێكخستنی ڕێزهكانی خۆی و دهستڕاگهیشتن به ئاسۆیهكی ڕوون دهخاته ناو دڵی خهباتهوه، گرینگیهكی ستراتێژیكی ههیه.
له درێژهی ڕاپۆرتی پلۆنۆم سهبارهت به باروودۆخی جیهانی و ئێران، باروودۆخی سیاسیی وڵاتانی ناوچهكه درایه بهر باس و لێكۆڵینهوه و تهئكید كرا كه گۆڕانكاریه سیاسیهكان لهو بهشه له جیهان، له قهیرانهكانی نیزامی سهرمایهداریی جیهانی كاریگهری وهردهگرن كه كێبهركێ و كێشمهكێشی نێوان هێزهكانی سهرمایهداری و دهوڵهته قهیران لێدراوهكانی ناوچهكهی، لهوانه توركییه، كۆماری ئیسلامی، میسر و عهرهبستان، پهرهپێداوه. ههوڵی ئهمریكا بۆ دووباره هێنانهوه مهیدانی تاڵهبان له ئهفغانستان، ههڵسووكهوتی دژهمرۆیی كۆماری ئیسلامی لهگهڵ پهنابهرانی ئهفغانستانی، باروودۆخی یهكجار قهیراناوی و ناسهقامگیربوونی سیاسی، نیزامی و كۆمهڵایهتی له وڵاتانی ڕۆژههڵاتی ناوهڕاست، بههۆی دهخاڵهتی زلهێزه ئیمپریالیستهكان و دهوڵهتانی ناوچهكه، له زومرهی ئهو هۆكارانهن كه قهیرانی ئابووری و سیاسییان لهو وڵاتانه توندتر كردووهتهوه. لهو نێوهدا، ڕۆڵ و پێگهی كۆماری ئیسلامی وهك پێگهیهكی دهسهڵاتی ئیسلامی سیاسی، له ناوهنده قهیراناویهكانی ناوچهكهدا لهوانه عێراق، سووریه، لۆبنان و یهمهن، لاواز بووه. دهخاڵهت و شهڕنانهوهی زلهێزهكانی سهرمایهداریی جیهانی و دهوڵهتانی ناوچهكه له جهرگهی قهیرانه ئابووری و سیاسیهكاندا، بووهته هۆی نائهمنی و ناسهقامگیری، بێكاری و ههژاری و برسیهتیی دهیان ملیۆن كهس له كرێكاران و خهڵكی ههژاری وڵاتانی ناوچهكه.
ئهوهیكه باسی لێكرا، تهنیا كورتهیهك بوو له باسهكانی ئهم پلۆنۆمه، له دهرفهتهكانی دیكهدا له ڕێگهی وتووێژ و … به شیكراوی باسهكانی ئهم دانیشتنه به ئاگاداریتان دهگات.
له بهشی ڕاپۆرتی تهشكیلاتیدا، ڕاپۆرتی چالاكیهكانی كۆمیتهی تهشكیلاتی ناوخۆ، تهشكیلاتی دهرهوهی حیزب، شهبهكهی تێلویزیۆن و رادیۆ حیزب، دهفتهری پهیوهندیه نێونهتهوهییهكان، نهشریهی “جهان امروز” به دانیشتنی كۆمیتهی ناوهندی ڕاگهیهندرا. لهو بهشهدا كۆمیتهی ئیجرایی حیزب له ڕاپۆرتهكهیدا وێڕای ئاماژه به قووڵ بوونهوهی قهیرانی ناو حیزب، تهئكیدی كرد كه ئهم قهیرانه له ئێستادا كاریگهریی لهسهر گشت مێتابۆلیسم و بواره جۆراوجۆرهكانی چالاكیی حیزب داناوه. لهم بوارهدا به بۆنهی جۆراوجۆرهوه ڕوونكردنهوهی ئهم قهیرانه و ڕێگای ڕۆیشتنه دهرهوه لێی درایه بهر باس و كاتی ئهوه هاتووه كه ئهم باسانه له ئاست عهلهنیدا بێنه ئاراوه و قهزاوهتیان لهسهر بكرێ.
دانیشتنی كۆمیتهی ناوهندی سهبارهت به دابهشكاری و ئارایشی ناوهوهی كۆمیتهی ناوهندی، كۆمیته و ئۆرگانه جۆراوجۆره تهشكیلاتیهكانی، نۆژن یان له جێگای خۆی هێشتنیهوه. پۆلۆنۆم له بهشی كۆتایی كاری خۆیدا، به مهبهستی هیدایهتی چالاكیه سیاسی و تهشكیلاتیهكانی حیزب له ماوهی دوو پلۆنۆمدا، لهناو هاوڕێیانی كۆمیتهی ناوهندیی حیزب كه له لیستی كاندیدهكاندا بوون، كۆمیتهی ئیجرایی پێكهاتوو له هاوڕێیان: ههڵمهت ئهحمهدیان، خۆسرۆ بۆكانی، ڕهئوف پهرستار، نۆسرهت تهیمورزاده، حهسهن شهمسی، مهحمود قارهمانی و سهلاح مازوجیی ههڵبژارد.
كۆمیتهی ئیجرایی حیزبی كۆمۆنیستی ئێران
١٥ی گهلاوێژی ١٣٩٩ ههتاوی
٥ی ئووتی ٢٠٢٠ی زایینی