ڕۆژی ڕابردوو، سپای پاسدارانی کۆماری ئیسلامی بە بڵاوکردنەوەی بەیاننامەیەک، ڕایگەیاند کە هەشت پێگەی ئەمریکا لە ناوچەکە بە ئامانج گیراون.
سپای پاسداران ئاماژەی بەوە کردووە کە بە چەندین درۆنی ئینتحاری و موشەکی بالستیک، هێرشی کردووەتە سەر بنکەکانی عەلەلسالمی کوەیت و ناوی پێنجەمی دەریایی لە کەناراوی سەلمانی بەحرەین. بەپێی ئەو وێناەی کە بە دەستمان گەیشتوون، بە پێچەوانەی بەیاننامەکەی سپای پاسدارانی ڕژیم، چەندین ناوچەی مەدەنی لە بەحرەین بوون بە ئامانجی چەندین هێرشی درۆنی و مووشەکی و ئەمەش زیانێکی زۆری ماددی بە شارومەندانی ئەو وڵاتە گەیاندووە.