ڕێکخراوەکانی مافی مرۆڤ و چالاکوانانی مەدەنی هۆشدارییەکی توند دەدەن لەسەر مەترسی دەرچوونی حوکمی قورس و نادادپەروەرانە بۆ هەردوو بەندکراوی سیاسی و مەدەنی، ئومێد جانەمی و مستەفا سەبەکەتکین.
بەپێی ڕاپۆرتە سەرەتاییەکان، ئەم دوو هاووڵاتییە بەهۆی چالاکییەکانیان و تۆمەتی جۆراوجۆرەوە لەلایەن دەزگا ئەمنییەکانەوە دەستبەسەر کراون و لەم ماوەیەی دواییدا لەژێر گوشارێکی زۆردابوون بەمەبەستی وەرگرتنی دانپێدانانی زۆرەملێ. ڕاپۆرتەکان ئاماژە بەوە دەکەن کە ئەم دوو دەستبەسەرکراوە لە مافی هەبوونی پارێزەری سەربەخۆ و پەیوەندی بەردەوام بە بنەماڵەکانیانەوە بێبەش کراون.
شایانی باسە کە بەهۆی جۆری ئەو تۆمەتانەی کە لەلایەن دەزگای دادوەرییەوە ئاڕاستەیان کراوە، ترسی ئەوە هەیە سزای درێژخایەنی بەندکردن یان حوکمی قورسی تریان بەسەردا بسەپێنرێت