ڕۆژی ڕابردوو، ژمارەیەک لە کرێکارانی شیرکەتی پترۆشیمی پترۆناد دژ بە نەگەڕانەوەیان بۆ سەر کارەکانیان، ناڕەزایەتییان دەربڕیوە.
بەپێی دوایین ڕاپۆرتەکان، کرێکارانی ئەو شیرکەتە بۆ ماوەی زیاتر لە چەندین مانگە کە لە سە کارەکانیان دەرکراون و تەنانەت لە لایەن بەپرسانی ئەو شیرکەتەوە سەبارەت بە گەڕاندنەوەیان بۆ سەر کارەکانیان وڵامێک نەدراوەتەوە. کرێکارانی ناڕازی ئاماژە بەوە دەکەن کە بە هۆی لە سەرەوە بوونی نرخی هەڵاوسان و هەروەها بەرزبوونەوەی بەردەوامی نرخی کەلوپەلی پێویستی ژیان، لە دۆخێکی زۆر خراپی ئابووریدا دەژین.