بەپێی ڕاپۆرتی گەیشتوو، کانونی فیلمسازانی سەربەخۆی ئێران بە بڵاو کردنەوەی بەیاننامەیەک، سەبارەت بە مەترسی لەسێدارەدانی عەلی سەفەری هوشداری داوە.
بەپێی دوایین زانیارییەکان، ناوبراو ڕێکەوتی ١٨ی بەفرانباری ١٤٠٤ی هەتاوی و لە ڕەوتی ناڕەزایەتییەکانی ئەو مانگە دژ بە دەسەڵاتی جەنایەتکاری کۆماری ئیسلامی دەستبەسەرکراوە و پاشان لە لایەن دەزگای قەزایی حکومەتەوە، تۆمەتی “موحاربە“ی بەسەردا سەپێندراوە. بە وتەی سەرچاوەکانی هەواڵ، ئەو خوێندکارە تەمەن ٢٣ ساڵە، لە ماوەی بەندکرانیدا، لە مافی پەیوەندی و چاوپێکەوتن لەگەڵ بنەماڵەکەی بێبەش کراوە و هەروەها بە شێوەیەکی نایاسایی ئەو حوکمەی بەسەردا سەپێندراوە.