لە ڕۆژانی ڕابردوودا، چالاکێکی مەدەنی خەڵکی نوغابی گوناباد، لە لایەن دەزگای قەزایی ڕژیمەوە حوکمی سێدارەی بەسەردا سەپێندراوە و مەترسی لەسێدارەدانی لە سەرە.
بە وتەی سەرچاوەکانی هەواڵ، ئەو ژینگەپارێزە بە ناوی “شەهرام سابری” کە لە ڕەوتی ناڕەزایەتییەکانی مانگی بەفرانباری ١٤٠٤ی هەتاویدا لە لایەن هێزە سەرکوتگەرەکانی ڕژیمەوە دەستبەسەرە کرابوو، لە لایەن دەزگای قەزایی کۆماری ئیسلامییەوە بە تۆمەتی “ڕێبەریکردنی ناڕەزایەتییەکان” نەک تەنیا حوکمی سێدارەی بەسەردا سەپێندراوە، بەڵکوو بڕیار دراوە کە هەموو داراییەکانی دەستی بەسەردا بگیردرێت. شایانی باسە کە ئەو هاووڵاتییە لە سەرەتای دەستبەسەرکرانی تاکوو ئێستا، لە مافی دەستڕاگەیشتن بە پارێزەر و پەیوەندی لەگەڵ بنەماڵەکەی بێبەش کراوە و هەروەها لە ژێر توندارین ئەشکەنجەکانی ئیدارەی ئیتلاعاتی ڕژیمدا بووە.