لە رۆژانی ڕابردوودا، سێ هاووڵاتی بەندکراو لە زیندانەکانی ڕژیمی کۆماری ئیسلامی، بە تۆمەتی تاوانە کۆمەڵایەتییەکان، لەسێدارە دراون.
بە پێی ڕاپۆرتی ڕێکخراوەکانی مافی مرۆڤ، رۆژی شەممە 3ی گەلاوێژ “جەواد میر حەسەنی و ئەمیر عەباس حاتەمی” دوو شاروومەندی خەڵکی پارێزگای گۆلستان، لە زیندانی گۆنبەد کاووس لە سێدارە دران. جێگای ئاماژەیە کە ئەو دوو زیندانییە لە ماوەی چەند ساڵی ڕابردوودا لە دوو دووسیەی جیاوازدا بە تۆمەتی “کوشتنی بە ئەنقست” دەستبەسەر و حوکمی سێدارەیان بەسەردا سەپێندرابوو. هەروەها “سەلمان غۆلامی” هاووڵاتی خەلکی شاری ئەردەبێل، ماوەی سێ ساڵ لەمەوبەر بە هەمان تۆمەت لە لایەن هێزەکانی ڕژیمەوە دەستبەسەر و حوکمی سێدارەی بەسەرداسەپێندرا و رێککەوتی 29ی پووشپەڕ لە زیندانی ناوەندی ئەردەبێل حوکمەکەی جێبەجێ کراوە.