پارتی سەوزی کوردستان ڕۆژی یەکشەممە لە کونگرەیەکی ڕۆژنامەنووسیدا ڕایگەیاند، بەهۆى هێرش و بۆردوومانەکانی دەوڵەتی تورکیە بۆ سەر ناوچەکانى سنوورى بادینان لە باشووری کوردستان، زیاتر لە سێ ملیۆن دار لەناوچوون.
بەپێی ڕاپۆرتەکان، ئەو پارتە لە دژی پێشلکاری دەوڵەتی تورکیە سکاڵایان لە دادگای باڵای عێراق و نەتەوە یەکگرتووەکان تۆمار کردووە و تێیدا ئاماژەیان بەوە داوە کە تورکیە بەشێوەیەکى زۆر نامرۆڤانە و پیلان بۆ داڕێژراو نزیکەى سێ ملیۆن داری لە سنورى بادینان و پارێزگاى دهۆک لەناو بردووە.