ڕۆژی ڕابردوو و هاوکات لەگەڵ بەرزبوونەوەی ڕێژەی لەسێدارەدانی بەندکراوان لە ئێران، دوو بەندکراوی دیکەی سیاسی، لە لایەن دەزگای قەزایی ڕژیمەوە لەسێدارە دراون.
ڕاپۆرتەکان ئاماژە بەوە دەکەن کە هاووڵاتییەک بە ناوی “عارف خوشکار” بەندکراوی سیاسی خەڵکی شاری تاران و لە دەستبەسەرکراوانی شۆڕشی “ژن، ژیان، ئازادی“، کە بە تۆمەتی “موحاربە، هەوڵدان بۆ تێکدانی ئەمنیەتی وڵات و کوشتنی ئەندامێکی بەسیجی ڕژیم“، حوکمی سێدارەی بەسەردا سەپێندرابوو، ڕۆژی چوارشەممە 24ی پووشپەڕی 1405ی هەتاوی، حوکمی سێدارەکەی بەڕێوەچووە. هەروەها بەندکراوێکی سیاسی دیکە بە ناوی “محەممەد ئەمینی دەهاقانی” کە ڕێکەوتی 19ی بەفرانباری 1405ی هەتاوی لە لایەن هێزە سەرکوتگەرەکانی ڕژیمەوە دەستبەسەر و پاشان بە تۆمەتی “ئاگردانی مزگەوت و شوێنە گشتییەکان“، لە لایەن دەزگای قەزایی ڕژیمەوە حوکمی سێدارەی بەسەردا سەپێندرابوو، ڕۆژی ڕابردوو حوکمەکەی جێبەجێ کراوە.