ڕۆژی سێشه‌ممه ٢ی گه‌لاوێژ، كرێكارانی ڕه‌سمی نه‌وتی شاغڵ له ناوچه عه‌مه‌لیاتیه‌كانی باشووری ئێران به‌پێی بانگه‌وازێك كه له تۆڕه كۆمه‌ڵایه‌تیه‌كان بڵاو كرابوو، دژبه دۆخی خراپی پیشه‌یی و مه‌عیشه‌تی كۆبوونه‌وه.
كرێكارانی ڕه‌سمی نه‌وت خوازیاری وه‌لانانی سه‌ققی حه‌قده‌ست، به‌كرده‌وه‌ده‌رهاتنی ته‌واوی ماده‌ی ١٠ی ئه‌رك و به‌رپرسیاره‌تی پێرسۆنێلی نه‌وت، وه‌لانانی ئاسته‌نگییه‌كانی به‌رده‌م سه‌نه‌واتی خانه‌نشینی، گه‌ڕانه‌وه‌ی ئه‌و بڕه پاره له ساڵانی ڕابردوو وه‌كوو باج له‌سه‌ر حه‌قده‌سته‌كانیان كه‌م كراوه، وه‌لانانی به‌ڕێوه‌به‌رانی ناكارامه، دابینكردنی ئیمكاناتی ڕیفاهی، وه‌لانانی جیاوازی و كۆتایی هێنان به ده‌ستێوه‌ردانه‌كانی ده‌ڵه‌ت له سندووقی خانه‌نشینی كرێكارانی سه‌نعه‌تی نه‌وت بوون. شایانی باسه كه هاوكات له‌گه‌ڵ ئه‌و كۆبوونه‌وه، كرێكارانی خانه‌نشینكراوی نه‌وتیش له شاری ئه‌هواز له‌به‌رده‌م ساختمانی ژماره پێنج كۆبوونه‌ته‌وه و خوازیاری ده‌ست له‌كاركێشانه‌وه‌ی وه‌زیری نه‌وت بوون.