ڕۆژی دووشەممەی ئەم هەفتەیە، دوو گەنجی بەلوچ کە بۆ لەوەڕاندنی مەڕ و ماڵاتەکانیان چووبوون بۆ دەوروبەری گوندی بۆنسەر لە ناوچەی سنووری کلگان، بە گوللەی هێزەکانی سپای پاسداران کوژران.
ناسنامەی ئەم دوو گەنجە بریتییە لە «عەلی سیاهانی» ۱۸ ساڵ و «عومران سیاهانی» ۱۷ ساڵ. بەپێی وتەی شایەتحاڵان، عومران دوو گوللە بەر دڵی کەوتووە و دەستبەجێ گیانی لەدەستداوە و عەلی بەسەختی بریندار بووە و لە شوێنی ڕووداوەکە جێهێڵدراوە. شایانی باسه هێشتا هۆکاری تەقەکردنەکە دیار نییە.