لە ڕۆژانی ڕابردوودا، “یاسر ئەحمەدی نەژاد” چالاکی کرێکاری و پارێزەری دادگوستەری، لە لایەن دەزگای قەزایی ڕژیمەوە حوکمی 42 مانگ زیندانی تەعزیری بەسەردا سەپێندراوە.
بە وتەی سەرچاوەکانی هەواڵ، ناوبراو لە ساڵانی ڕابردوودا بە مەبەستی چارەسەرکردنی کێشەکانی کرێکارانی ئەرکان سالسی و پەیمانکاری شیرکەتی نەوت، چەندین دۆسیەی قەزایی دژ بە ڕژیمی کۆماری ئیسلامی تۆمار کردبوو و هەوڵێکی زۆری بۆ دابین کردنی داخوازییەکانی ئەو کرێکارانە دابوو. ئەو چالاکوانە ڕێمەوتی 16ی ڕێبەندانی 1404ی هەتاوی و پاش زیاتر لە یەک مانگ دەرکرانی بڕیاری دەستبەسەرکردنی، لە لایەن هێزە ئەمنیەکانی ڕژیمەوە دەستبەسەر و پاش کۆتایی هاتنی ڕەوەندی لێپرسینەوەکەی، ڕەوانەی بەندیخانەی ناوەندی یاسوج کراوبوو.