“بەپێی ڕاپۆرتەکان، پەرستو ئەحمەدی” گۆرانیبێژ، لەگەڵ هەشت کەس لە بەڕێوەبەرانی کۆنسێرتی “کاروانسەرا“، لەلایەن دادگای ڕژیم لە پارێزگای قومەوە حوکمی قورسی قەزاییان بەسەردا سەپێندراوە.
بەپێی دوایین زانیارییەکان، دادگای گشتی پارێزگای قوم، “پەرستو ئەحمەدی” و هەشت کەس لە ئەندامانی ئەو کۆنسێرتەی بە ٧٤ جەڵد، دوو ساڵ قەدەغەی دەرچوون لە وڵات و دوو ساڵ بێبەشکردن لە چالاکییە هونەرییەکانیان بەسەردا سەپێندراوە. بەپێی ڕاپۆرتەکان، تۆمەتی ئاراستەکراو بۆ ئەو کەسانە “بەڕێوەنەبردنی یاسا ئیسلامییەکان لە بەرهەمە هونەرییەکاندا” ناو براوە.